మనుష్యుడు విశ్వాసమూలమున మాత్రముకాక క్రియల మూలమునను నీతిమంతుడని యెంచబడునని, మీరు దీనివలన గ్రహించితిరి.
మనుష్యుడు విశ్వాసమూలమున మాత్రముకాక
క్రియలు అబ్రహం విశ్వాసాన్ని ధృవీకరించాయి. అతను తన క్రియల ద్వారా తన విశ్వాసములో పరిపూర్ణుడు అయ్యాడు. (అనుభవానికి సత్యం యొక్క అనువర్తనం). దేవుని చిత్తము చేయటానికి నిరాటంకంగా ఇష్టపడటం దేవునిపై ఆయనకున్న కల్తీ లేని విశ్వాసాన్ని నిరూపిస్తుంది.
“మాత్రము” అనే పదం క్రియలద్వారా నీతిమంతులుగా తీర్చబడుట అనుదానిని బలపరుస్తుంది. విశ్వాసం ద్వారా నీతిమంతులుగా తీర్చబడుట ఉంది మరియు క్రియల ద్వారా నిరూపణ ఉందిక్రియల ద్వారా పౌలు ఇతరుల ముందు నీతిమంతుడుగా కనిపించాడు కాని దేవుని ముందు కాదు. మనము విశ్వాసాన్నిక్రియలను క్రైస్తవ జీవితములో విడదీయలేము లేదా వేరు చేయలేము ఎందుకంటే క్రియలు ఆధ్యాత్మిక జీవితంలో కీలకమైనవి.
అబ్రాహాము క్రియల మూలముగా నీతిమంతుడని తీర్చబడినయెడల అతనికి అతిశయకారణము కలుగును గాని అది దేవుని యెదుట కలుగదు (రోమా 4:2)
క్రియల మూలమునను నీతిమంతుడని యెంచబడునని
ఇస్సాకు (2:21; ఆది 22) ను ఒక బలిపీఠం మీద అర్పించే క్రియ ద్వారా ప్రజలు అబ్రాహాము విశ్వాసాన్ని సమర్థించారు (నిరూపించారు) బహుశా ఆయన విశ్వసించిన నలభై సంవత్సరాల తరువాత (ఆది 15:6).
“నీతిమంతుడని యెంచబడునని” అనే పదానికి రెండు ప్రాథమిక అర్ధాలు ఉన్నాయని గుర్తుంచుకోండి 1) నీతిమంతులుగా ప్రకటించడం మరియు 2) నిరూపించడం. మొదటి అర్ధం నిర్దోషి అను భావమును కలిగి ఉంటుంది. నిత్యజీవము కొరకు మనము తన కుమారుని విశ్వసించినప్పుడు దేవుడు ఎంత నీతిమంతుడో మనము కూడా అంత నీతిమంతులమని దేవుడు న్యాయపరంగా ప్రకటిస్తాడు.
కాబట్టి నమ్మువారు ఆయన కృపచేతనే, క్రీస్తుయేసునందలి విమోచనము ద్వారా ఉచితముగా నీతిమంతులని తీర్చబడుచున్నారు. ..కాబట్టి అతిశయకారణ మెక్కడ? అది కొట్టి వేయబడెను. ఎట్టి న్యాయమునుబట్టి అది కొట్టివేయ బడెను? క్రియాన్యాయమునుబట్టియా? కాదు, విశ్వాస న్యాయమునుబట్టియే.కాగా ధర్మశాస్త్రసంబంధమైన క్రియలులేకుండ విశ్వాసమువలననే మనుష్యులు నీతిమంతులుగా తీర్చబడుచున్నారని యెంచుచున్నాము. (రోమా 4:24,27,28)
కాబట్టి విశ్వాసమూలమున మనము నీతిమంతులముగా తీర్చబడి, మన ప్రభువైన యేసుక్రీస్తుద్వారా దేవునితో సమాధానము కలిగియుందము (రోమా 5:1)
మనుష్యుడు యేసు క్రీస్తునందలి విశ్వాసమువలననేగాని ధర్మశాస్త్రసంబంధమైన క్రియలమూలమున నీతిమంతుడుగా తీర్చబడడని యెరిగి మనమును ధర్మశాస్త్రసంబంధమైన క్రియలమూలమున గాక క్రీస్తునందలి విశ్వాసము వలననే నీతిమంతులమని తీర్చబడుటకై యేసు క్రీస్తునందు విశ్వాసముంచియున్నాము; ధర్మశాస్త్రసంబంధ క్రియలమూలమున ఏ శరీరియు నీతిమంతుడని తీర్చబడడు గదా(గలతీ 2:16)
“నీతిమంతుడని యెంచబడునని ” యొక్క రెండవ భావన నిరూపణ లేదా నీతిని రుజువు చేయడం. ఈ వచనములో యాకోబు “నీతిమంతుడని యెంచబడునని” అను భావనతో ఉపయోగించాడు. తన రక్షణకు తరువాత ఇస్సాకును అర్పించడం ద్వారా అబ్రాహాము దేవునితో తన గత సంబంధాన్ని గొప్పగా నిరూపించాడు (ఆది 22:3). నిజమైన విశ్వాసం మరుమనస్సు తో కూడినదై ఉన్నందున క్రియలు విశ్వాసంతో పాటు ఉంటాయి.
నీ మాటలలో నీవు నీతిమంతుడవుగా తీర్చబడునట్లును నీవు వ్యాజ్యెమాడునప్పుడు గెలుచునట్లును అని వ్రాయబడిన ప్రకారము ప్రతిమనుష్యుడును అబద్ధికుడగును గాని దేవుడు సత్యవంతుడు కాక తీరడు.(రోమా 3:4)
నిరా క్షేపముగా దైవభక్తిని గూర్చిన మర్మము గొప్పదైయున్నది;ఆయన సశరీరుడుగా ప్రత్యక్షుడయ్యెను. ఆత్మవిషయమున నీతిపరుడని తీర్పునొందెను దేవదూతలకు కనబడెను రక్షకుడని జనములలో ప్రకటింపబడెను లోకమందు నమ్మబడెను ఆరోహణుడై తేజోమయుడయ్యెను.(1తిమో 3:16)
మీరు దీనివలన గ్రహించితిరి.
“ మీరు దీనివలన గ్రహించితిరి.” అనే మాటలు, అబ్రాహాము ఈసకును అర్పించుట అను పరిస్థితి అతని నీతిమంతునిగా తీర్చు విశ్వాసం అతని రోజువారీ జీవితంలో విస్తరించిన చురుకైన విశ్వాసం అని రుజువు చేస్తుంది.
నియమము:
మన క్రియల ద్వారా మన నీతి దేవుని ఎదుట నిలుస్తుంది.
అన్వయము:
పౌలు మరియు యాకోబుల మధ్య నీతిమంతులుగా తీర్చబడుట అను విషయములో వైరుధ్యం లేదు. పౌలు దేవుని దృక్కోణం నుండి సమర్థనను చూస్తున్నాడు మరియు యాకోబు దానిని మనిషి దృక్కోణం నుండి చూస్తాడు. దేవుని దృక్కోణంలో, మన పాపాలకు క్రీస్తు మరణంపై విశ్వాసం ద్వారా ఆయన శాశ్వతంగా ఆయన నీతిమంతుడై ఉన్నట్లు మనము కూడా నీతిమంతులమని ప్రకటించాడు (రోమా 4:1–25; గలతీ 3:6–9). క్రీస్తు మాత్రమే ఈ పని చేయగలడు. మనం చేయగలిగేది ఏదీ మమ్మల్ని నీతిమంతులుగా తీర్చదు.
చురుకైన విశ్వాసం ఇతరులకు మనలో రక్షించు విశ్వాసము ఉన్నదని ప్రకటిస్తుంది. కొంతమంది క్రైస్తవులకు, క్రీస్తు లేనివారికి ఏమీ నిరూపించని మృతమైన విశ్వాసం ఉంది. క్రియాశీలక విశ్వాసము కార్యరూపక విశ్వాసము వలన పనిచేస్తుంది.
క్రియలు రక్షణను సంపాదించలేవు కానీ అవి ఇతరులకు ప్రకటిస్తాయి. మనము నీతిమంతులమని తీర్చబడ్డామని మన క్రియాలే సాక్ష్యము.
