“అటుతరువాత మహాధికారముగల వేరొక దూత పరలోకమునుండి దిగివచ్చుట చూచితిని. అతని మహిమ చేత భూమి ప్రకాశించెను. అతడు గొప్ప స్వరముతో ఆర్భటించి యిట్లనెను–మహాబబులోను కూలిపోయెను కూలిపోయెను. అది దయ్యములకు నివాసస్థలమును, ప్రతి అపవిత్రాత్మకు ఉనికిపట్టును, అపవిత్రమును అసహ్యము నైన ప్రతి పక్షికి ఉనికిపట్టును ఆయెను. ఏలయనగా సమస్తమైన జనములు మోహోద్రేకముతోకూడిన దాని వ్యభిచార మద్యమును త్రాగి పడిపోయిరి, భూరాజులు దానితో వ్యభిచరించిరి, భూలోకమందలి వర్తకులు దాని సుఖభోగములవలన ధనవంతులైరి“
18 వ అధ్యాయం రాజకీయ బబులోనును చూపుతుంది. ఇది అంతర్జాతీయ ప్రభుత్వం, బహుళజాతి సంస్థలు మరియు ఆర్థిక సంస్థల తీర్పు.
మునుపటి అధ్యాయంలో, రాబోయే ప్రపంచ నియంత ప్రపంచ క్రైస్తవ ఉద్యమాన్ని పడగొట్టాడు . ఈ అధ్యాయంలో దేవుడు ప్రపంచ నియంతను పడగొడతాడు.
18: 1
అటుతరువాత మహాధికారముగల వేరొక దూత పరలోకమునుండి దిగివచ్చుట చూచితిని. అతని మహిమ చేత భూమి ప్రకాశించెను.
మహాధికారముగల వేరొక దూత పరలోకమునుండి దిగి యోహాను దగ్గరకు వచ్చాడు. ఈ దేవదూత యొక్క మహిమ చాలా గొప్పది, అది భూమిపై వెలుగునిచ్చింది .
18: 2
అతడు గొప్ప స్వరముతో ఆర్భటించి యిట్లనెను–మహాబబులోను కూలిపోయెను కూలిపోయెను. అది దయ్యములకు నివాసస్థలమును, ప్రతి అపవిత్రాత్మకు ఉనికిపట్టును, అపవిత్రమును అసహ్యము నైన ప్రతి పక్షికి ఉనికిపట్టును ఆయెను
మహా బబులోను కూలిపోయిందని దేవదూత సందేశం . ఇది 17: 16-17 లోని పతనం కాదు.
బబులోను దయ్యములకు నిలయం. సత్యాన్ని వ్యతిరేకించడానికి అపవాదికి విస్తృతమైన మత సంస్థ ఉంది. ” కూలిపోయెను ” అన్న పదం యొక్క పునరావృతం ఉద్ఘాటన కోసం. ఎట్టకేలకు ఈ దెయ్యాల వ్యవస్థను దేవుడు ఓడిస్తాడని దేవదూత గొప్ప శక్తితో ప్రకటించాడు . దేవుడు చివరకు మానవుల మనస్సులలో నాటుకొనిపోయిన వివాదాస్పదమైన తప్పుడు మత మరియు రాజకీయ ఆలోచనలను పడగొడతాడు.
18: 3
ఏలయనగా సమస్తమైన జనములు మోహోద్రేకముతోకూడిన దాని వ్యభిచార మద్యమును త్రాగి పడిపోయిరి, భూరాజులు దానితో వ్యభిచరించిరి, భూలోకమందలి వర్తకులు దాని సుఖభోగములవలన ధనవంతులైరి
ప్రపంచ దేశాలన్నీ బబులోనుతో వ్యభిచారం చేస్తాయి, ఎందుకంటే ఆమె వారికి గొప్ప సంపదను తెస్తుంది. ఆమె యొక్క ప్రపంచ ఆర్థిక వ్యవస్థపై నమ్మకముతో వారు మత్తులో ఉన్నారు . మతభ్రష్టుల మతం ప్రపంచ రాజకీయ నాయకుల నుండి చాలా మతమార్పిడులను పొందుతుంది. వారి అధికార కాంక్షను నివేదించుట ద్వారా దెయ్యాల మతం ఈ మార్పుచెందిన వారిని స్వీకరిస్తుంది.
“వర్తకము” అనే పదానికి వాణిజ్యం, వ్యాపారం, వృత్తి అని అర్థం . వర్తకుడు అంటే వాణిజ్యానికి సంబంధించిన వ్యక్తి. బహు సంపన్న, బహుళజాతి సంస్థలు డబ్బును వారి అభివృద్ధి విలువగా చేస్తాయి.
ఈ బహుళజాతి సంస్థలు తమ సంపదను సంపాదించడానికి ఒక నిర్దిష్ట శక్తిని ఉపయోగిస్తాయి. వారు బబులోనీయ ” సుఖభోగాలను ” వారి నివేదికలో ఉపయోగిస్తారు. “సుఖభోగాలు” అంటే అనియంత్రిత ఇంద్రియ జ్ఞానం. అనియంత్రిత సుఖభోగాలు ప్రజలను ప్రభావితం చేస్తాయి. బాబిలోనియన్ మతం సుఖము యొక్క తత్వశాస్త్రం. అందుకే ఈ వ్యవస్థను వివరించడానికి పరిశుద్ధాత్మ “వేశ్య” మరియు “వ్యభిచారం” అనే పదాలు వాడారు. సుఖము అనేది తప్పు కాదు కానీ అది దేవుని స్థానంను బలాత్కారంగా ఆక్రమిస్తుంది (18:7; 1 తిమోతి 6:5-11,17-19).
నియమము :
మతం నుండి మనం వేరుచేయబడి క్రైస్తవ్యం యొక్క నిజమైన స్వభావాన్ని అర్థం చేసుకోవాలని దేవుడు కోరుకుంటాడు – దేవుడు అనుగ్రహిస్తాడు.
అన్వయము:
చర్చి యుగంలో విశ్వాసిని మతభ్రష్టుల మతం నుండి వేరుకమ్మని దేవుడు ఆజ్ఞాపించాడు. మతపరమైన మంచి-మంచివాళ్ళతో నరకం నిండి ఉంటుంది, వారు గొప్పవారని భావించిన వారు నరకంలో ఉన్నారు.
“ మీరు అవిశ్వాసులతో జోడుగా ఉండకుడి. నీతికి దుర్నీతితో ఏమి సాంగత్యము? వెలుగునకు చీకటితో ఏమి పొత్తు? క్రీస్తునకు బెలియాలుతో ఏమి సంబంధము? అవిశ్వాసితో విశ్వాసికి పాలెక్కడిది? దేవుని ఆలయమునకు విగ్రహములతో ఏమిపొందిక? మనము జీవముగల దేవుని ఆలయమై యున్నాము; అందుకు దేవుడీలాగు సెలవిచ్చుచున్నాడు.
–నేను వారిలో నివసించి సంచరింతును,
నేను వారి దేవుడనై యుందును వారు నా ప్రజలైయుందురు.
–కావున మీరు వారి మధ్యనుండి బయలువెడలి ప్రత్యేకముగా ఉండుడి;
అపవిత్రమైనదానిని ముట్టకుడని ప్రభువు చెప్పుచున్నాడు.
–మరియు నేను మిమ్మును చేర్చుకొందును,
మీకు తండ్రినైయుందును, మీరు నాకు కుమారులును కుమార్తెలునైయుందురని సర్వశక్తిగల ప్రభువు చెప్పుచున్నాడు” (2 కొరింథీయులు 6: 14-18).
