“ ఎవని పేరైనను జీవగ్రంథమందు వ్రాయబడినట్టు కనబడనియెడల వాడు అగ్నిగుండములో పడవేయబడెను. “
ఎవని పేరైనను జీవగ్రంథమందు వ్రాయబడినట్టు కనబడనియెడల వాడు అగ్నిగుండములో పడవేయబడెను.
” కనబడనియెడల ” అనే పదం దేవుడు జీవగ్రంథములోని వివరాలను జాగ్రత్తగా అన్వేషిస్తాడని సూచిస్తుంది. ఈ సూక్ష్మ అన్వేషణ తరువాత, ఆయన ఈ గ్రంథములో లేని వారిని అగ్ని గుండముకు పంపిస్తాడు.
క్రీస్తును తన వ్యక్తిగత రక్షకుడిగా స్వీకరించినట్లు గుర్తించబడని మరియు జీవగ్రంథములో వ్రాయబడని వారు శాశ్వతకాలము అగ్ని గుండములో పడవేయబడుతారు. క్రీస్తును మన రక్షకునిగా స్వీకరించిన మరుక్షణం దేవుడు మన పేరును జీవగ్రంథములో వ్రాస్తాడు. ఆ గ్రంథములో నుండి మన పేరును ఎవరూ తొలగించలేరు.
దేవుడు ప్రతి ఒక్కరినీ భౌతిక జీవితపు హాజరు పుస్తకములో ఉంచుతాడు. ప్రజలు చనిపోయినప్పుడు, ఆయన వారిని ఆ పుస్తకం నుండి తొలగిస్తాడు. ధవళమైన మహా సింహాసనపు తీర్పు వద్ద నిలబడి ఉన్న ఏ ఒక్కరి పేరు లేదని చూపించడానికి మాత్రమే దేవుడు జీవగ్రంథము అనే మరొక గ్రంథాన్ని తెరుస్తాడు . క్రీస్తును తిరస్కరించినందువలన వారు ఈ తీర్పులో నిలువబడుతారు.
మంచి పనులు లేకపోవడం వలన ఒక వ్యక్తిని దేవుడు అగ్ని గుండములో పడవేయడు. “పేరు” లేకపోవడం ఒక వ్యక్తిని అగ్ని గుండములోకి పంపుతుంది. ఆ రోజున దేవుడు ఎవరి పేర్లనూ జీవగ్రంథములో వ్రాయడు.
ధవళమైన మహా సింహాసనం విచారణ కాదు. ఈ తీర్పు వద్ద ఎటువంటి తీర్మానాలు తీసుకునే అవకాశము లేదు. అన్ని వాస్తవాలు ఇప్పటికే ఉన్నాయి. దేవుడు అన్ని ఆధారాలను సేకరించాడు. ఆయన ఒక ప్రశ్న మాత్రమే అడుగుతాడు – “మీ పాపాలను తీసివేయడానికి యేసు సిలువపై మరణించడాన్ని మీరు విశ్వసించారా?” మన పేరు ఇప్పటికే జీవగ్రంథములో ఉందా లేదా. ధవళమైన మహా సింహాసనపు తీర్పు కేవలం యేసు మరణాన్ని రక్షణకు ఏకైక మార్గంగా విశ్వసించనివారి ప్రకటన .
నియమము :
శాశ్వతమైన శిక్ష యొక్క వాస్తవికత క్రీస్తును మన స్నేహితులతో పంచుకోవడానికి మనల్ని ప్రేరేపించాలి.
అన్వయము:
సాక్ష్యమివ్వడానికి సమర్థవంతమైన ప్రేరణ కోసం అగ్ని గుండము యొక్క అవగాహన చాలా ముఖ్యమైనది. దేవుడు ప్రజలను వారి పాపాల ఆధారంగా ఖండించడు కాని వారు క్రీస్తును తమ రక్షకుడిగా తిరస్కరించినందున .
అగ్ని గుండము వెయ్యేండ్ల తరువాత జరుగుతుంది. రక్షణ పొందనివారు మాత్రమే ధవళమైన మహా సింహాసనపు తీర్పు వద్ద నిలబడతారు. ఈ తీర్పు యొక్క ఉద్దేశ్యం ఎవరు విశ్వాసులో నిర్ణయించడం కాదు. కాని, ఈ తీర్పు క్రీస్తు సిలువపై చేసిన కార్యమునకు బదులుగా తమ సొంత క్రియలపై ఆధారపడేవారికి వ్యతిరేకంగా ఉంటుంది . ఈ తీర్పు ఫలితం దేవుని నుండి శాశ్వతముగా వేరుచేయబడుట.
